ئەندامێکی کوردی ئەنجومەنی نوێنەرانی عێراق ئاشکرای کرد، دوای ئەوەی متمانە لە وەزیری دەرەوەی عێراق وەردەگیرێتەوە، دەیداتە دادگا.

عادل نووری، ئەندامی کوردی پەرلەمانی عێراق، لە نووسینێکیدا کە لە پەیجی فەرمیی خۆی لە تۆڕی کۆمەڵایەتیی (فەیسبووک) بڵاوی کردووەتەوە، ئاماژەی بەوە کرد: ”ئێستا خۆم ئامادە کردووە بۆ لێپرسینەوە (استجواب) لە د. ئیبراهیم جەعفەری، وەزیری دەرەوەی عێراق“.


جەختیشی لەوە کردەوە: ”جەعفەری ڕزگاری نابێت و پاش ئەوەی متمانەی لێدەسەندرێتەوە، دەینێرینە دادگا“.

ئیبراهیم جەعفەری، یەکەم سەرۆکی کاتیی ئەنجومەنی حوکم لە عێراق بووە، دواتریش بۆ ماوەیەک سەرۆک وەزیرانی عێراق بووە. جەعفەری سەرۆکی هاوپەیمانیی نیشتمانیی سیعەکان و وەزیری دەرەوەی عێراقە.










باسنيوز