ئەندامێكی ئەنجوومەنی نوێنەرانی عێراق رایدەگەیێنێت، لە دانیشتنی ئەمڕۆدا، لە كۆی شەش وەزیر كە لەلایەن (حەیدەر عەبادی)ـیەوە پێشكەش كرابوون، پێنجیان دەنگیان بە دەست هێنا و توركمانەكانیش ناڕەزاییان دەربڕی.

( د. بێریوان خەیلانی)، ڕایگەیاند: "لە دانیشتنی ئەمڕۆ دووشەممەدا، (حەیدەر عەبادی) لیستی ناوی شەش وەزیری پێشكەش بە پەرلەمان كرد و لەلایەن پەرلەمانیشەوە خرایە دەنگدان و پێنج لە وەزیرەكان دەنگی پێویستیان بە دەست هێنا كە بەم شێوەیەیە: (عەبدولڕەزاق عیسا) بۆ وەزیری خوێندنی باڵا و توێژینەوەی زانستی، (د. حەسەن هانی جەنابی) بۆ وەزیری سەرچاوە ئاوییەكان، (جەبار عەلی حوسێن) بۆ وەزیری نەوت، (كازم حەمامی) بۆ وەزیری گواستنەوە و (د. ئالان نافیع ئەوسی) بۆ وەزیری ئاوەدانكردنەوە ونیشتەجێكردن دیاری كران و (د. یووسف عەلی ئەسەدی)ـیش كە بۆ وەزیری بازرگانی دیاری كرابوو، بەڵام دەنگی پێویستی نەهێنا."

(خەیلانی) گوتیشی: "توركمانەكانی نێو ئەنجوومەنی نوێنەران ناڕەزاییان دەربڕی بە هۆی ئەوەی هیچ وەزیرێكی توركمانیان نییە، هەروەها لە دانیشتنی ئەمڕۆدا بە زۆرینەی دەنگی پەرلەمانتاران وەڵامەكانی (خالید عوبێدی) وەزیری بەرگری عێراق، ڕەت كرانەوە."






KDP