بڕیارە ڕۆژی چوارشەممەی داهاتوو 150 خێزانی ئاوارەی خەڵكی شارەدێی سەعدییەی سەر بە شاری خانەقین، بۆ شارەدێكەیان بگەڕێنەوە.

ئەحمەد سامر، بەڕێوەبەری شارەدێی سەعدییە، ڕایگەیاند: "بڕیارە ڕۆژی چوارشەممەی داهاتوو 17/8/2016، 150 خێزانی ئاوارەی سەعدییەی سەر بە خانەقین بۆ شارەدێكەیان بگەڕێنەوە".

بەڕێوەبەری شارەدێی سەعدییە، گوتیشی: "گەڕانەوەی ئاوارەكانی سەعدییە، بەردەوام دەبێت و قۆناخ بە قۆناخ ئەو ئاوارانە دەگەڕێنەوە بۆ شارەدێكەیان".

دوای داگیركردنی شارەدێی سەعدییە لە لایەن ڕێكخراوی تیرۆریستی داعشەوە لە مانگی حوزەیرانی 2014 و پاشان لە لایەن هێزەكانی پێشمەرگەوە رزگار كرایەوە، ئێستا قۆناخ بە قۆناخ ئاوارەكانی شارەدێی سەعدییە بۆ زێدی خۆیان دەگەڕێنەوە.







باسنیوز