رێبەری رەوتی سەدر هەڕەشە لە سەربازە بەریتانییەکان لە عێراق دەکات، کە وەک داگیرکەر سەیریان دەکات.

موقتەدا سەدر، رێبەری رەوتی سەدری شیعەمەزهەب رۆژی یەکشەممە 24ـی تەمموزی 2016 لە وەڵامی پرسیاری لایەنگرێکیدا رایگەیاندووە، کە ئەوان (بێگانەکان) لەسەر ”خراپەکانیان“ کۆ بوونەوە و ”ئێمەش لەسەر مافەکانمان دژی یەکتر راوەستاوین“.

موقتەدا سەدر لە وەڵامەکەیدا هەڕەشەی لە سەربازە بەریتانییەکامن کردووە، کە لە ئەگەری بەشداریکردنیان لە شەڕی رزگار کردنەوەی مووسڵ، ئەوا ”وەک داگیرکەر سەیرتان دەکەین و دەتانکوژین“.

پێشتر رێبەری رەوتی سەدر هەڕەشەی لە سەربازە ئەمریکییەکانیش کردبوو، کە ئەگەر بەشداریی لە شەڕی رزگار کردنەوەی مووسڵ بکەن، ئەوا چەکدارەکانی سەدر رووبەڕوویان دەبنەوە.

ئەو سەربازە ئەمریکی و بەریتانییانە ئێستا مەشق بە سوپا و هێزە عێراقییەکان دەکەن، لە چوارچێوەی شەڕی دژی رێکخراوی توندڕەوی داعش.

چەکدارانی داعش دوای هەرەسهێنانی سوپای عێراق لە مانگی حوزەیرانی 2014، زۆربەی ناوچەکانی پارێزگاکانی نەینەوا، دیالە، سەڵاحەدین و ئەنباریان داگیر کرد.











باسنيوز