"سه‌عد مه‌عن" وته‌بێژی فه‌رمی فه‌رمانده‌یی ئۆپه‌راسیۆنه‌كانی به‌غدا، ئه‌وه‌ی ئاشكرا كرد كه‌ "حه‌یده‌ر عه‌بادی" سه‌رۆكوه‌زیرانی عێراق فه‌رمانی به‌هێزه‌ ئه‌منییه‌كان كردووه‌، به‌ره‌نگاری هه‌وڵه‌كانی تێكدان و ده‌ستدرێژی كردنه‌ سه‌ر موڵكی گشتی ببنه‌وه‌.

سه‌عد مه‌عن گوتیشی: " عه‌بادی فه‌رمانی كردووه‌ هه‌ر به‌ربه‌ هه‌ر هه‌وڵێك بگرین كه‌بۆ تێكدانی موڵكی گشتی ده‌درێن".

ئه‌و وته‌بێژه‌ ئاماژه‌ی به‌وه‌شكرد كه‌ هێزه‌ عێراقییه‌كان له‌ئێستادا له‌جێبه‌جێكردنی ئه‌ركه‌ فه‌رمییه‌كانیان به‌رده‌وامن به‌شێوه‌یه‌كی سروشتی. له‌یه‌ك كاتدا خۆپیشانده‌ران و میوانانی كازمییه‌ش ده‌پارێزن. هاوكات داوای له‌ خۆپیشانده‌ران كرد كه‌ ئاشته‌وایی بپارێزن و ده‌ستدرێژی نه‌كه‌نه‌ سه‌ر هێزه‌ ئه‌منییه‌كاندا.