لە دانیشتنی ئەمڕۆ سێشەممەدا، ئەنجوومەنی نوێنەرانی عێراق بە زۆرینەی دەنگ پێنج لەو وەزیرانەی (حەیدەر عەبادی) پێشكەشی كرد، دەنگیان لەسەر دراوە و پێنجی تریش ڕای جیاوازیان هەیە، بۆیە دەنگدان لەسەر ئەوانەی تر بۆ رۆژی شەممە دوا خرا.

ئەندامی كورد لە فراكسیۆنی پارتی دیموكراتی كوردستان لە ئەنجوومەنی نوێنەرانی عێراق (بەنگین شەوكەت عابد)، بە ماڵپەری فەرمیی پارتی دیموكراتی كوردستانـی راگەیاند: "لە دانیشتنی ئەمڕۆدا (حەیدەر عەبادی) ناوی 10 وەزیری پێشكەش كرد و بە زۆرینەی دەنگی پەرلەمانتارانی ئامادەبوو، وەزیری ئاو و ئاوەڕۆكان و تەندروستی و كاروكاروباری كۆمەڵایەتی و كارەبا و خوێندنی باڵا دەنگیان لەسەر دراوە و ڕەزامەندیش لەسەر دەست لەكاركێشانەوەی پێنج وەزیری تر درا، بەڵام دەنگ بۆ وەزیرەكان لە شوێنیان نەدراوە".

(شەوكەت ) گوتیشی: "ماوەی 48 سەعات كات دراوە بە سەرۆكوەزیران تا رۆژی شەممە وەزیرەكانی تریش بخرێنە دەنگدانەوە".