سوپای عێراق بە هاوکاریی هێزەکانی پێشمەرگەی کوردستان 49 خێزان لەژێر دەسەڵاتی رێکخراوی توندڕەو داعش رزگار دەکات.

رۆژی شەممە 23ـی نیسانی 2016، فەرماندەیی ئۆپەراسیۆنەکانی رزگار کردنەوەی نەینەوا لە بەیاننامەیەکدا رایگەیاندووە، کە لەو ئۆپەراسیۆنەدا، هێزەکانی پێشمەرگەی کوردستان و فڕۆکە جەنگییەکانی هاوپەیمانان هاوکاریی سوپای 15ـی عێراقیان کردووە.

ئۆپەراسیۆنەکە، کە لە گوندی حاج عەلی لە باشووری مووسڵ ئەنجامدرا، بووە هۆی رزگارکردنی 49 خێزان لەژێر دەسەڵاتی ئەو رێکخراوە توندڕەوە.