فڕۆکەکانی هێزی ئاسمانیی عێراقی پەیامێک بۆ دانیشتووانی ژێر دەسەڵاتی رێکخراوی توندڕەوی داعش لە پارێزگاکانی نەینەوا و سەڵاحەدین فڕێدەدەنە خوارەوە.



بەپێی بەیاننامەیەکی شانەی راگەیاندنی جەنگیی عێراقی، ئەو پەیامانە، کە لەسەر کاغەز نووسراون و لە ئاسمانەوە هەڵدراوەتە سەر زەوی، رێنمایی دەداتە هاووڵاتییان بۆ دوورکەوتنەوە لە بنکە و بارەگاکانی داعش.



ئەو نووسراوانە لە ناوچەی جەزیرە لە قەزای سامەڕا لە پارێزگای سەڵاحەدین و قەزای تەلەعفەر لە پارێزگای نەینەوا هەڵدراونەتە خوارەوە.



بەپێی پێشبینییەکان، بڕیارە بەمزووانە ئۆپەراسیۆنی رزگارکردنەوەی شاری مووسڵ و ناوچەکانی دیکەی پاریزگای نەینەوا دەست پێبکات.



باسنيوز