سوپاسالاری عێراق رایدەگەیێنێ، لەچەند کاژێری داهاتوودا هێرش بۆ کۆنترۆڵکردنەوەی نێوجەرگەی رومادی لەدەستی چەکدارانی داعش دەستپێدەکات.

عوسمان غانمی، سوپا سالاری عێراق ئاشکرایکرد، هێرشی سوپای عێراق بۆ گرتنەوەی سەنتەری رومادی لەئانوساتدایە و گوتی" لە کاژێرەکانی داهاتوودا هێرشی سوپای عێراق بۆ کۆنترۆڵکردنەوەی نێوجەرگەی رومادی دەستپێدەکات".

سەبارەت بە ژمارەی چەکدارانی داعش لەنێو سەنتەری رومادی، زانیاری ورد ئاشکرابووە و بەگوێرەی دەزگای هەواڵگریی عێراق، تەنیا 250 بۆ 300 چەکداری داعش لە ناوەوەی رومادیدان.

فڕۆکە عێراقییەکان رۆژی یەکشەممە 20-12-2015، ئاگاداریی نامەیان بۆ خەڵکی رومادی فڕێدایە خوارەوە و داوایان لێکردن لەماوەی 72 کاژێردا رومادی چۆڵ بکەن.

پێشتریش گوتەبێژێک بەناوی وەزارەتی بەرگریی عێراق رایگەیاندبوو، چەکدارانی داعش رێگریی لە خەڵکی رومادی دەکەن شارەکەیان چۆڵ بکەن.









رووداو