سەرۆکی ئەنجومەنی فیدراڵی پەرلەمانی روسیا ئاشکرایکرد ئەگەر بەغدا داوایان لێبکات، ئەوا وڵاتەکەی لێکۆڵینەوە لە ئەنجامدانی ئۆپەراسیۆنی سەربازی لەناو خاکی عیراقدا دەکات و کارەکانی دەستپێدەکات.

ڤلانتینا ماتفینکۆ، سەرۆکی ئەنجومەنی فیدراڵی پەرلەمانی روسیا، کە بەشێکی گرنگی ئەنجومەنی نوێنەرانی وڵاتەکەیە، دوێنێ سێشەممە، لەبارەی پرسی بەکارهێنانی هێزی سەربازییەوە لەناو خاکی عیراقدا وتی: "هەر کاتێک بەغدا بەشێوەیەکی فەرمی داوای بەکارهێنانی فڕۆکە جەنگییەکانی روسیای لە مۆسکۆ کرد، ئەوا روسیا بە وردی لێکۆڵینەوە لە بارەیەوە ئەنجامدەدات و کاری پێویستی بۆ دەکات".

ئاژانسی هەواڵی ریا-ی روسیا، لە زاری ناوبراوەوە ئاشکرایکرد، کە تاکو ئێستا بەغدا بەمەبەستی بەکارهێنانی هێزی ئاسمانیی وڵاتەکە، هیچ داوایەکی لە روسیا نەکردووە و ومۆسکۆش هیچ هەنگاوێکی لەو بارەیەوە نەناوە.











خەندان