سه‌رچاوه‌ ئه‌منییه‌كان رایانگه‌یاند كه‌ شه‌وی رابردوو له‌ ئاكامی ته‌قینه‌وه‌ی ئۆتۆمبێلێكی بۆمبرێژكراو له‌ ناوچه‌ی سه‌عدون ناوه‌راستی به‌غدا چوار كه‌س كوژران و 10ی دیكه‌ برینداربوون .

به‌پێی سه‌رچاوه‌كه‌ ئۆتۆمبێله‌كه‌ له‌ گه‌راجێكی ناوچه‌ی سه‌عدونی ناوه‌راستی به‌غدا وه‌ستێنرابوو ته‌قییه‌وه‌ .

دووشه‌ممه‌ی رابردووش ئۆتۆمبێلێك له‌ رۆژهه‌ڵاتی به‌غدا له‌ نزیك بازارێكی میللی ناوچه‌ی ئه‌مین ته‌قییه‌وه‌ به‌هۆیه‌وه‌ 12 كه‌س كوژران و 39ی دیكه‌ بریندار بوون .

زۆربه‌ی ئه‌م ته‌قینه‌وانه‌ش له‌لایه‌ن چه‌كدارانی تیرۆریسستی داعشه‌وه‌ ئه‌نجام ده‌درێن و زۆر جار به‌رپرسیاریه‌تی ئه‌م ته‌قینه‌وانه‌ ده‌خه‌نه‌ ئه‌ستۆی خۆیان .