ئاژانسه‌كانى هه‌واڵ بڵاویانكرده‌وه‌ كه‌ هێزه‌ ئه‌منیه‌كانى عێراق توانیویانه‌ بنكه‌یه‌كی پۆلیسی له‌ ئه‌لبوزیابى باكووری شاری رومادی له‌ ده‌ست چه‌كدارانی داعش رزگار بكه‌ن.

ئاژانسه‌كانى هه‌واڵ ئاماژه‌یان به‌وه‌شدا كه‌ هێزه‌ ئه‌منییه‌كان له‌ قۆڵی باكووری رومادی پێشڕه‌وی به‌رچاویان كردووه‌و زیانێكی زۆری گیانی و ماددیشیان به‌ چه‌كدارانی داعش گه‌یاندووه‌.

ئاژانسه‌كان ئاماژه‌یان به‌وه‌شدا كه‌ فرۆكه‌ جه‌نگییه‌كانى عێراق بۆردومانى مۆڵگه‌كانى داعشیان له‌ ناوچه‌ى ئه‌لبوعیسه‌ له‌ باكورى پارێزگاى ئه‌نبار كردووه‌ و به‌و هۆیه‌وه‌ پێنج چه‌كدارى داعش كوژراون.

هاوكات ئاژانسه‌كان ئاماژه‌یان به‌وه‌شدا كه‌ به‌ هۆى ئه‌و بۆردومانه‌ دوو ئۆتۆمبێلى چه‌كدارانى داعش تێكشكاون.