دوو خۆكوژ لە بەغدا خۆیان تەقاندەوە
لە بەغدا، لەسەر زاری سەرچاوە ئەمنییەکان رایگەیاند كە ژمارەیەک کەس لە ئاکامی هەردوو تەقینەوە خۆکوژییەکاندا گیانیان لەدەستداوە، ژمارەیەك برینداریش هەن. تاوەكو ئێستا ئامارێكی وردی كوژراو و برینداران رانەگەیێنراوە.
راشیگەیاند كە هەردوو تەقینەوەکە لەڕێگەی پشتێنی بۆمبڕێژکراو ئەنجامدراون، خۆكوژێك لە گۆڕەپانی غەرناتە لە ناوچەی بابلشەرقی خۆی تەقاندووەتەوە، ئەوەی دیکەشیان لە گۆڕەپانی وەسبە لە نێوەڕاستی بەغدا، کە هەردووكیان کوژراو و برینداری لێکەوتووەتەوە.
لە بەغدای پایتەختی عێراق رۆژانە تەقینەوە، كردەوەی چەكدرای و رووداوی نەخوازراو روودەدەن، بەهۆشیانەوە رۆژانە چەندین هاووڵاتی دەبنە قوربانی، لەگەڵ راگەیاندنی چاکسازییەکانی حکومەتیش، ژمارەی تەقینەوەكان زیادیان کردووە.
رووداو
