مه‌رجه‌عیه‌تی شیعه‌كان له‌ عێراق داوای له‌ ده‌سته‌ی نه‌زاهه‌ى ئه‌نجوومه‌نى نوێنه‌ران كرد، ده‌ست بكات به‌ لێپرسینه‌وه‌ له‌گه‌ڵ گه‌نده‌ڵكاره‌كان و ئه‌و پاره‌ و سامانانه‌ بگێڕێته‌وه‌ كه‌ ده‌ستیان به‌سه‌ردا گرتووه‌.

ئه‌حمه‌د سافی نوێنه‌ری مه‌رجه‌عیه‌تی شیعه‌ له‌ عێراق له‌ گوتاری نوێژی هه‌ینی له‌ شاری كه‌ربه‌لا ڕایگه‌یاند پێویسته‌ چاكسازی له‌ دامه‌زراوه‌ جیاجیاكانی ده‌وڵه‌تدا بكرێت .

هاوكات هۆكاری ته‌واوی نه‌هامه‌تییه‌كانی وڵاتیشی بۆ كه‌ڵه‌كه‌بوونی گه‌نده‌ڵییه‌كان گه‌ڕانده‌وه‌. ئه‌وه‌شى خسته‌ڕوو كه‌ نابێت چاكسازییه‌كان ته‌نیا له‌ چوارچێوه‌ی گوتار و میدیاكاندا بمێننه‌وه‌، به‌ڵكو ده‌بێت كاری پێویست بۆ به‌دیهێنانیان بكرێت و هه‌مووان له‌ جێگه‌ی خۆیانه‌وه‌ به‌شداریی له‌و پرۆسه‌ چاكسازییه‌دا بكه‌ن.