دوێنێ هه‌ینى خۆپێشاندانى به‌رفراواى له‌ پارێزگاكانى باشوورى عێراق به‌ گشتى و شارى به‌غدا به‌ تایبه‌تى ئه‌نجام درا. خۆپێشانده‌ران داواى جێ جێبه‌جێكردنى بڕیاره‌كانى سه‌رۆك وه‌زیران حه‌یده‌ر عه‌بادى ده‌كه‌ن كه‌ به‌مه‌به‌ستى چاكسازى ده‌ریكردوون، هه‌روه‌ك چۆن مه‌رجه‌عیه‌تیش داواى كردووه‌ بڕیاره‌كانى چاكسازى به‌ كرده‌وه‌ جێبه‌جێ بكرێن و ته‌نیا له‌ چوارچێوه‌ى قسه‌دا نه‌مێنێته‌وه‌.

هه‌روه‌ها خۆپێشانده‌ران دیسان داواى دادگاییكردنى ئه‌و كه‌س و به‌رپرسانه‌یان كرد كه‌ عێراقییان به‌م ڕۆژه‌ گه‌یاندووه‌ . هاوكات داواى گۆڕینى سیسته‌مى به‌ڕێوه‌بردنى وڵات و هه‌ڵوه‌شاندنه‌وه‌ى ئه‌نجوومه‌نى پارێزگان و ده‌ست له‌ كاركێشانه‌وه‌ى به‌شێك له‌ پارێزگاره‌كان ده‌كه‌ن.