له‌ ئاكامى بۆردومانى موشه‌كى بۆ سه‌ر شوێنه‌كانى تیرۆرستانى داعش له‌ باكوورى شارى فه‌للوجه‌ى سه‌ربه‌ پارێزگاى ئه‌نبار، یازده‌ تیرۆرست كوژران.

له‌مباره‌یه‌وه‌ سه‌رچاوه‌یه‌ك له‌ فه‌رمانده‌یى ئۆپه‌ڕاسیۆنه‌كانى پارێزگاى ئه‌نبار ئاشكرایكرد، به‌ره‌به‌یانى ئه‌مڕۆ شه‌ممه‌، سێ شوێن و بنكه‌ى تیرۆرستانى داعش له‌ ناوه‌ڕاستى ناحیه‌ى سه‌قڵاوییه‌ له‌ باكوورى شارى فه‌للوجه‌، له‌لایه‌ن سوپاوه‌ بۆردومانكران و به‌ هۆیه‌وه‌ یازده‌ تیرۆرستى داعش كوژران و ده‌یانى دیكه‌ش بریندار بوون .

سه‌رچاوه‌كه‌ ئاماژه‌ى به‌وه‌شدا كه‌ بۆردومانكردنى ئه‌و شوێنانه‌ى تیرۆرستانى داعش به‌پێى چه‌ند زانیارییه‌كى هه‌واڵگرى بوو .