"موقته‌دا سه‌در" داوای له لایه‌نگرانی کرد، به‌شداریی خۆپێشاندانه‌که‌ی رۆژی هه‌ینی له به‌غدا بکه‌ن.

ئه‌م به‌یاننامه‌یه که ئه‌مڕۆ بڵاو کراوه‌ته‌وه، یه‌که‌م داوای راسته‌وخۆی سه‌رکرده‌یه‌کی حزبیی عێراقه بۆ به‌شداری کردن له ناڕه‌زایی ده‌ربڕینه‌کانی ناوه‌ڕاست و خوارووی عێراق.

له‌م چه‌ند هه‌فته‌یه‌دا، به‌غدا و چه‌ندین شاری ناوه‌ڕاست و خوارووی عێراق، خۆپێشاندانی به‌رفراوانیان دژی گه‌نده‌ڵی و که‌میی خزمه‌تگوزاری، به‌خۆ بینی.

دوایین خۆپێشاندانه‌کانیش له به‌سره و حلله چه‌ندین رۆژ به‌رده‌وام بوو. به‌پێی هه‌واڵه‌کان، له‌م خۆپێشاندانانه‌دا سوننه و شیعه به‌یه‌که‌وه به‌شدار بوو.