سەرۆک وەزیرانی عێراق پەیامێک ئاراستەی پەرلەمانی عێراق دەکات و وەک ئاگادار کردنەوەیەک رایدەگەیەنێت، کە هەڵوێستی خۆی لە بەرپرسیارێتیی چاکسازی رابگەیەنن.

حەیدەر عەبادی، سەرۆک وەزیرانی عێراق لە پەیجی فەرمیی خۆی لە تۆڕی کۆمەڵایەتیی فەیسبووک رایگەیاندووە، کە بڕیارەکانی، کە ”بۆ چاکسازیی“ دەریکردن، یەک پاکێجە و ناکرێ پارچە پارچە بکرێت.

حەیدەر عەبادی پەیامێکیشی بۆ پەرلەمانی عێراق ناردووە و داوادەکات، بەرپرسیارێتی و هەڵوێستی خۆی لە بارەی بڕیارەکان رابگەیەنێت، ”بە بە قبووڵکردن یاخود بە رەتکردنەوە“.

پێشتر حەیدەر عەبادی بە پشتیوانیی مەرجەعە باڵاکانی شیعە لە عێراق، چەند بڕیارێکی دەرکرد و ئەنجوومەنی وەزیرانی عێراق و زۆربەی سەرکردەکانی عێراق پشتگیرییان کرد، کە تێیدا پۆستی جێگرەکانی سەرۆک وەزیران و سەرۆک کۆماری هەڵوەشاندەوە، وێڕای کەمکردنەوەی دەرماڵە و ژمارەی پاسەوانەکانی بەرپرسانی وڵات.











باسنیوز