ئاژانسی راگەیاندنی نیشتمانی لوبنان هەواڵی کۆچی دوایی هزاع شەریف، باڵیۆزی لوبنانی لە عێراق بڵاوکردەوە، ئاماژەی بەوەشکرد، هزاع شەریف دوای ململانێی لەگەڵ نەخۆشی شێرپەنجە ئێوارەی رۆژی چوارشەممە 22-ی تەمموزی2015، لە نەخۆشخانەی زانکۆی ئەمریکی لە بەیرووت کۆچیدوایی کردووە.

بەگوێرەی زانیارییەکانی ئاژانسی راگەیاندنی نیشتیمانی لوبنان، ئەمڕۆ پێنجشەممە 23-ی تەمموزی 2015، بەئامادەبوونی ژمارەیەک کەسایەتی سیاسی و حکومی تەرمی هزاع شەریف لە مەراسیمێکدا لە ناوچەی کالێری ناوەڕاستی بەیرووت بەخاک دەسپێردرێت.

هزاع شەریفی تەمەن 54 ساڵ بۆ ماوەی 9 ساڵ باڵیۆزی لوبنان بووە لە عێراق و دوومانگ لەمەوبەر بەهۆی نەخۆشییەوە گەڕاوەتەوە بەیرووت و بەهۆی نەخۆشی شێرپەنجە کۆچیداوی یکرد.








رووداو