لە ماوەی ٢٤ کاژێری رابردوودا، فڕۆکە جەنگییەکانی هاوپەیمانانی نێودەوڵەتی دژی داعش ٢٣ هێرشی ئاسمانیان بۆ سەر ئەو رێکخراوە لە عێراق و سووریا ئەنجامداوە، یەکەی ئۆپەراسیۆنی سەرکردایەتی هێزە هاوبەشەکانی هاوپەیمانانیش ئاماژە بەوەدەکەن کە لە رێگەی فڕۆکەی جەنگی بێفڕۆکەوان هێرشەکانیان بەسەرکەوتوویی ئامانجەکانی پێکاوە.

یەکەی ئۆپەراسیۆنی سەرکردایەتی هێزە هاوبەشەکانی هاوپەیمانان لە بەیاننامەیەکیدا رایانگەیاند:" فڕۆکە جەنگییەکانی هاوپەیمانان لە ماوەی ٢٤ کاژێری رابردوودا ٢٣ هێرشی ئاسمانیان کردووەتە سەر بارەگا و بنکەکانی رێکخراوی داعش لە عێراق و سووریا".

بەگوێرەی زانیارییەکانی هێزەکانی هاوپەیمانانی دژ بەداعش، فڕۆکە جەنگییەکانی هاوپەیمانان لەماوەی ٢٤ کاژێری رابردوودا ٩ هێرشی چڕیان کردووەتە سەر بنکەکانی چەکدارانی داعش لە حەسەکە و رەققە و دەوروبەری شاری حەلەب، هاوکاتی لە عێراقیش ١٤ هێرشی ئاسمانیان بۆ سەر داعش ئەنجامداوە و بەو هۆیەوە زیانی گیانی و ماددی زۆریان بەداعش گەیاندووە.

سەرکردایەتی هێزە هاوبەشەکانی هاوپەیمانان ئاماژە بەوەشدەکەن، هێرشەکانی ٢٤ کاژێری رابردوو بۆ سەر بارەگا و بنکەکانی داعش لە عێراق و سووریا لە رێگەی فڕۆکەی جەنگیی بێفڕۆکەوان ئەنجامدراوە و هاوکات بەسەرکەوتوویی ئامانجەکانی پێکاوە.

















رووداو