دیاله؛ بەهۆی تەقینەوەی بۆمبێک له بازاڕێک زیاتر له سەد کەس کوژران
ئەم تەقینەوەیە دوێنێ له یەکەم رۆژی جەژن رووی دا له کاتێک خەڵک سەرقاڵێ کڕینی شت و مەک بوون. خان بەنی سەعد زۆرینەی شیعەنشینه.
گروپی تیرۆریستیی داعش بەرپرسیارێتیی خۆی لەم تەقینەوەیه راگەیاندووه.
"ئەحمەد تەمیمی" بەڕێوەبەری پۆلیسی خان بەنی سەعد به ئاژانسی رۆیتێرزی راگەیاندووه: تەقینەوەکه تا رادەیەک نامرۆڤانه و کارەساتبار بووه که خەڵک له سندووقی میوه بۆ کۆ کردنەوەی تەرمی منداڵان کەڵکیان وەرگرتووه.
بەرپرسانی دیاله رێوڕەسمی جەژنیان هەڵوەشاندۆتەوه و سێ رۆژی ماتەمینیان راگەیاندووه.
