ئه‌ندامێكی ئه‌نجوومه‌نی نوێنه‌رانی عێراق ده‌ڵێت خه‌ریكه‌ تۆڕی گه‌نده‌ڵكارانی عێراق فراوان ده‌بێت و هه‌ر كه‌سێك ده‌ستی له‌ گه‌نده‌ڵی و دزینی پاره‌ی وڵاتدا هه‌یه‌ سزا بدرێت، چونكه‌ ناكرێت پاره‌ی ئه‌م وڵاته‌ به ‌ده‌ست كه‌سانێكه‌وه‌ بێ وه‌ك مافیا بازرگانیی پێوه‌ بكه‌ن.

ده‌زگای ده‌ستپاكی‌ عێراقیش ئاشكرای كرد له ‌شه‌ش مانگی یه‌كه‌می ئه‌مساڵ، 14 وه‌زیر ‌و به‌ڕێوه‌به‌ری گشتی، له‌به‌ر گه‌نده‌ڵی فه‌رمانی ده‌ستگیركردنیان بۆ ده‌رچووه‌، (1923) دۆسیه‌ی‌ دیكه‌ی‌ گه‌نده‌ڵییش ڕه‌وانه‌ی‌ دادگا كراوه‌ بۆ ئه‌وه‌ی‌ بڕیاریان لێ بدرێت، له‌وباره‌یه‌وه‌ (ئه‌شواق جاف) ئه‌ندامی په‌رله‌مانی عێراق ڕایگه‌یاند: به‌پێی ئه‌و زانیاریه‌ی هه‌مانه‌ ژماره‌ی ئه‌و به‌رپرسانه‌ی له‌ گه‌نده‌ڵی گه‌وره‌ تێوه‌ گلاون فراوان ده‌بێت و ڕێژه‌كه‌یان له‌ هه‌ڵكشانه،‌ كه‌ به‌شێكیان فه‌رمانی ده‌سگیركردنیان بۆ ده‌رچووه‌.

راشیگه‌یاند: "ده‌بێت بڕیاره‌كانی ده‌سته‌ی ده‌ستپاكی جێبه‌جێ بكرێت، با كه‌سی دیكه‌‌ گه‌نده‌ڵی نه‌كات، ئاماژه‌ی به‌وه‌شدا گه‌نده‌ڵی جۆری زۆره‌ و، هه‌رهه‌مووی ده‌بێ بدرێته‌ دادگا.