ڕێکخراوی “Verisk Maplecroft”ـی جیھانی، تازەترین راپۆرتی خۆی بڵاوکردەوە، کە تیێدا تازەترین ریزبەندی وڵاتە گەندەڵەکانی جیھانی ئاشکرا.

ئەم راپۆرتە پشتی بەستووە بەو داتایانەی، کە لە نێوان ساڵی 2012 تاوەکو 2014 بۆیان ھاتووە و بنەمای ھەڵسەنگاندنەکەشیان لە سەر 5 شت بووە، ئەوانیش (دووبارەبوونەوەی گەندەڵی ، بەردەوامیی گەندەڵی ، قەبارەی گەندەڵی، بڵابوونەوەی گەندەڵی ، تا چەند گەندەڵکاران سزا دەدرێن).

ریزبەندی وڵاتە گەندەڵەکان:

1- سوماڵ، لەم وڵاتەدا 80% حیسابە بانکییەکانی حکومەت بۆ بەرژەوەندی تایبەتی بەکاردەھێنرێن.

2- کۆماری ئەفریقای ناوەڕاست، بە پێی راپۆرتێکی بی بی سی، گەندەڵی لەو وڵاتەدا گەیشتووەتە ھەموو جومگەکانی وڵات.

3- سودان، بەشێکی زۆری داھاتی ئەو وڵاتە لە رێگەی نایاساییەوە دەبرێتە وڵاتانی تری جیھان.

4- ئەفغانستان، بەشێک لەو داھاتە گومرگییانەی کە ئەو وڵاتە ھەیەتی، بە ڕێگەیەکی نادیار دەدزرێت.

5- گینیا، لەو وڵاتەدا، سەرچاوەکانی وزە لە دەست کەسانی دەوڵەمەنددان و تەنیا بۆ بەرژەوەندیی خۆیان بەکاریدەهێنن.

6- عێراق، گەندەڵی ئابووری و ئیداری تێیدا گەیشتووەتە لوتکە.

7- لیبیا، بەرپرسانی ئەو وڵاتە دەستیان بەسەر داھات و سەرچاوەی سووتەمەنییەکاندا گرتووە.

8- میانمار، بەشێکی زۆر لە کۆمپانیاکان چەند گرێبەستێکی درێژخایەنیان ھەیە، ئەمە وای کردووە کە ئیحتکارێکی ئابووری لەو وڵاتە پەیداببێت.

9- روسیا، بە ھۆی ئاشکرابوونی گەندەڵی لە نێوان بەرپرسانی ئەو وڵاتە و یەکێتی تۆپی پێی نێودەوڵەتی (فیفا)دا خرایە نێو لیستەکە.

10- باشوری سودان، بەھەدەردانی سەرچاوەکانی سووتەمەنی و دەستبەسەرداگرتنیان لەلایەن بەرپرسانی ئەو وڵاتەوە، خراوەتە نێو لیستەکە.






























باسنيوز