له‌ به‌یاننامه‌یه‌كدا هێزى ئه‌ركه‌ هاوبه‌شه‌كانى هاوپه‌یمانى نێوده‌وڵه‌تى رایگه‌یاند كه‌ ویلایه‌ته‌ یه‌كگرتووه‌كان و هاوپه‌یمانه‌كانی 11 هێرشی ئاسمانییان كرده‌ سه‌ر پێگه‌و مۆڵگه‌كانی تیرۆریستانی داعش له‌ عێراق.

هێزى ئه‌ركه‌ هاوبه‌شه‌كان له‌ به‌یاننامه‌كه‌دا روونی كرده‌وه‌ كه‌ شه‌ش هێرشی ئاسمانی له‌ نزیك فه‌لووجه‌و بێجی و شه‌نگال و مه‌خموور له‌ عێراق جێبه‌جێ كراون و یه‌كه‌ی ته‌كتیكی و كامیۆن و شوێنی شه‌ڕكردن و ته‌لارو شوێنی دیكه‌ی تیرۆریستانی داعش كرانه‌ ئامانج. هه‌روه‌ها پێنج هێرشی دیكه‌ كراونه‌ سه‌ر ده‌ورووبه‌ری شاری موسڵ و ئامانجه‌كان پێكاون.