جێگری سه‌رۆك كۆماری عیراق وه‌ڵامی پرسیاره‌كانی لیژنه‌ی تایبه‌ت به‌ لێكۆڵینه‌وه‌ له‌ كه‌وتنی شاری موسڵ ته‌واو ده‌كات و به‌نیازه‌ بۆ لیژنه‌كه‌ی بنێرێته‌وه‌.

سه‌رچاوه‌یه‌ك كه‌ نه‌یویستووه‌ ناوی ئاشكرا بكرێت به‌ رۆژنامه‌ی شه‌رقلئه‌وسه‌ت-ی راگه‌یاند: ئوسامه‌ نوجێفی، جێگری سه‌رۆك كۆماری عیراق وه‌ڵامی ئه‌و پرسیارانه‌ی ته‌واو كردووه‌ كه‌ لیژنه‌ی لێكۆڵینه‌وه‌ له‌ كه‌وتنی شاری موسڵ ئاراسته‌ی كردجووه‌ و به‌نیازیشه‌ پێش ئه‌و واده‌یه‌ی كه‌ بۆی دانراوه‌، وه‌ڵامه‌كان بۆ لیژنه‌كه‌ بنێرێته‌وه‌.

سه‌رچاوه‌كه‌ ئاشكراشیكردووه‌ كه‌ له‌كاتی داگیركردنی موسڵ له‌لایه‌ن رێكخراوی تیرۆرستیی داعشه‌وه‌، نوجێفی سه‌رۆكی ئه‌نجومه‌نی نوێنه‌رانی عیراق بووه‌ و هیچ پۆست و پله‌یه‌كی سه‌ربازی یان لایه‌نی جێبه‌جێكار نه‌بووه‌.

وتیشی، له‌سه‌ر ئه‌و بنه‌مایه‌ جێگری سه‌رۆك كۆماری عیراق هیچ پرسیارێك سه‌باره‌ت به‌ كه‌وتنی موسڵ به‌ هه‌ستیار وه‌رناگرێ و چه‌ندی پێ بكرێت وه‌ڵامیان ده‌داته‌وه‌.



























خه‌ندان