مه‌رجه‌عیه‌تى شیعه‌ له‌ عێراق له‌ سه‌ر پێدانى په‌نجا كچ له‌ لایه‌ن هۆزێكه‌وه‌ به‌ هۆزێكى دیكه‌ له‌ سنوورى پارێزگاى به‌سره‌ به‌ مه‌به‌ستى چاره‌سه‌ركردنى كێشه‌ى نێوانیان هاته‌ ده‌نگ و رایگه‌یاند ئه‌م كاره‌ دژى شه‌رعه‌ و كارێكى سه‌ركۆنه‌كراویشه‌ .

ئه‌حمه‌د سافى نوێنه‌رى مه‌رجه‌عیه‌تى شێعه‌ له‌ چوارچێوه‌ى پێشكه‌شكردنى گووتارى نوێژى هه‌ینى له‌ شارى كه‌ربه‌لا ڕایگه‌یاند كارى ئه‌م دوو هۆزه‌ دژى شه‌رعه‌ و ڕێگه‌ پێدراو نیه‌ و سه‌ركۆنه‌كراویشه‌ .

داواشى كرد له‌م جۆره‌ هه‌ڵسوكه‌وتانه‌ دوور بكه‌ونه‌وه‌ و ناكرێت ئافره‌ت زۆرى لێ بكرێت به‌ مه‌به‌ستى به‌ شوودانى . دووپاتیشى كردۆته‌وه‌ كه‌ بۆ باوك نیه‌ دژى به‌رژه‌وه‌ندى كچه‌ى كارێك بكات و داواشى كردووه‌ و له‌م جۆره‌ كارانه‌ خۆیان به‌ دوور بگرن و له‌ خوا بترسن.