سه‌رچاوه‌یه‌كی‌ ئاگادار ئاماژه‌ی‌ به‌ سه‌رهه‌ڵدانی‌ ناكۆكییه‌كی‌ گه‌وره‌ له‌نێوان ساڵح موتڵه‌گ جێگری‌ سه‌رۆك وه‌زیران و ئوسامه‌ نوجێفی‌ جێگری‌ سه‌رۆك كۆماری عیراقدا كرد.

به‌ وته‌ی‌ ئه‌و سه‌رچاوه‌یه‌: "هۆكاری‌ ناكۆكییه‌كانی‌ ئێستای‌ نێوان نوجێفی‌ و موتڵه‌گ زۆرن و گرنگترینیان، خواستی‌ سه‌رۆكایه‌تیكردنی‌ هه‌رێمی‌ سوننییه‌ له‌لایه‌ن نوجێفییه‌وه‌ كه‌ موتڵه‌گ تاكه‌ كه‌سه‌ له‌نێو یه‌كێتی‌ هێزه‌ عیراقییه‌ سوننییه‌كاندا، رێگریی‌ له‌ دروستبوونی‌ ده‌كات".

سه‌رچاوه‌كه‌ وتیشی‌: " نوجێفی‌ دۆسێی‌ گه‌نده‌ڵی‌ زۆری‌ دژ به‌ موتڵه‌گ هه‌یه‌ و له‌به‌رانبه‌ر ره‌تكردنه‌وه‌ی‌ هه‌رێمی‌ سوننی‌ هه‌ڕه‌شه‌یان پێده‌كات، موتڵه‌گیش لای‌ خۆیه‌وه‌ ئاماژه‌ به‌و به‌ڵگه‌نامانه‌ ده‌كات كه‌ هه‌ردوو نوجێفییه‌كه‌ به‌ كه‌وتنی‌ شاری‌ موسڵ، تۆمه‌تبار ده‌كه‌ن".






















خةندان