پاش ئه‌وه‌ى چه‌كدارانى تیرۆرستى داعش شارى رومادى ناوه‌ندى پارێزگاى ئه‌نباریان داگیركرد، زیاتر له‌ چل هه‌زار كه‌س له‌و شاره‌ ئاواره‌بوون و زۆربه‌شیان روویان له‌ شارى به‌غدا و شاره‌كانى دیكه‌ى باشوورى عێراق كردووه‌. له‌باره‌ى هاتنه‌ناوه‌وه‌ى ئاواره‌كانى ئه‌نبار بۆ ناو به‌غدا، حه‌یده‌ر عه‌بادى سه‌رۆك وه‌زیران بڕیاریدا

رێگه‌ له‌ به‌رده‌م هاتنى خێزانه‌ ئاواره‌كانى ئه‌نبار بكرێته‌وه‌ به‌ڵام به‌و مه‌رجه‌ى له‌ ناو شارى به‌غدا كه‌فیلیان هه‌بێت . له‌ هه‌مان كاتدا عه‌بدولئه‌میر شممه‌رى فه‌رمانده‌ى ئۆپه‌ڕاسیۆنه‌كانى به‌غدا سه‌رپه‌رشتى جێبه‌جێ كردنى بڕیاره‌كه‌ى عه‌بادى ده‌كات.