ئێواره‌ی دوێنێ گروپێكی چه‌كدار هێرشیان كرده‌ سه‌ر گرتووخانه‌ی بنكه‌ی پۆلیسی خالس له‌ پارێزگای دیاله‌ و ژماره‌یه‌كی زۆری به‌ندكراوان هه‌ڵاتن كه‌ به‌ تۆمه‌تی تیرۆر ده‌ستگیركرابوون. سه‌رچاوه‌ سه‌ربازییه‌كانی عێراق رایانگه‌یاند كه‌ به‌ هۆی هێرشێكى گروپه‌ چه‌كداره‌كان بۆسه‌ر بنكه‌ى پۆلیسى خاڵس 40 به‌ندكراو هه‌ڵهاتن كه‌ به‌پێى ماده‌ى چوارى تیرۆر به‌ندكرابوون .

سه‌رچاوه‌ سه‌ربازییه‌كان ئاماژه‌ بۆ ئه‌وه‌ ده‌كه‌ن كه‌ به‌هۆى هێرشى گروپه‌ چه‌كداره‌كان بۆ سه‌ر بنكه‌ى پۆلیسى خاڵس كه‌ ژماره‌یه‌كى زۆر به‌ندكراوى تێدابوو، دواى ڕوبه‌ڕووبونه‌وه‌یه‌كى چه‌ند كاتژمێرى گروپه‌ چه‌كداره‌كان توانیان 40 به‌ندكراو له‌ده‌ست پۆلیس ده‌ربێنن كه‌ به‌پێى مادده‌ى چوارى تیرۆر به‌ندكرابوون كه‌ ده‌ستیان هه‌بووه‌ له‌ كوشتنى هاوڵاتییانى سیڤیل. سه‌رچاوه‌كان ئاماژه‌یان به‌وه‌شدا كه‌ پێشتر پلان بۆ هێرشه‌كه‌ دانرابوو و له‌ شه‌ڕ و پێكدادانه‌كان دا 30 به‌ندكراو و 5 پۆلیس كوژراون.