نزیكه‌ی هه‌زار كه‌س له‌ هۆزه‌ سوننه‌كان له‌ پارێزگای ئه‌نبار رۆژئاوای عێراق به‌شداری خولێكی مه‌شقپێكردن له‌ ناو هێزه‌كانی حشدی شه‌عبی و هێزه‌ ئه‌منییه‌كانی عێراق ده‌كه‌ن ، بۆ شه‌ركردن دژ به‌ رێكخراوی تیرۆریستی داعش له‌ پارێزگاكه‌یان . نوێنه‌ری ئۆپراسیۆنی هاوبه‌ش بۆ هیزه‌كانی حشدی شه‌عبی رایگه‌یاند كه‌ ئه‌م مه‌شقه‌ سه‌ربازییه‌ له‌ ژێر سه‌رپه‌رشتی وه‌زاره‌تی به‌رگری عێراقه‌ و ئه‌م هۆزانه‌ش به‌ چه‌كی پێشكه‌وتوو پڕ چه‌ك ده‌كرێن .

صوهه‌یب راوی پارێزگاری ئه‌نبار له‌ میانه‌ی ئاهه‌نگی ده‌ستپێكردنی خوله‌كه‌ رایگه‌یاند كه‌ ئه‌م وڵاته‌مان كه‌وتۆته‌ ده‌ستی تاوانباران بۆیه‌ پێویسته‌ به‌ شه‌ڕ ئه‌م شوێنانه‌ رزگار بكه‌ین كه‌ كه‌وتۆته‌ ژێر ده‌ست تیرۆریستان و تاوانباران . روونیشیكرده‌وه‌ كه‌ پێویسته‌ ئه‌مڕۆ بكرێته‌ شۆرشێك دژ به‌ تیرۆریستانی داعش .