وەزارەتی بەرگریی عێراق رایگەیاند، هێزێكی سەر بە ئۆپەراسیۆنەكانی تایبەت، ئەو رێگە سەرەكییەیان كۆنترۆڵكردەوە، كە لە باكووری شاری تكریتەوە بە ئاراستەی پاڵاوگەی بێجی درێژدەبێتەوە. هاوكات كوژرانی 3 چەكداری داعشی لە ناوچەی تەل ئەلبۆجەراد راگەیاند.

وەزارەتی بەرگریی لە بەیاننامەیەكدا رایگەیاندووە "هێزێكی سەر بە فەرماندەیی ئۆپەراسیۆنەكانی تایبەت، بەپاڵپشتی هێزەكانی پۆلیسی ئیتیحادی توانییان ئەو هێڵە زەمینییەی ناوچەكانی دۆر سیكەك، ئەلبۆجەڕادو پاڵاوگەی بێجی بەیەكەوە دەبەستێتەوە كۆنتڕۆڵی بكەن".

هەر لەو بەیاننامەیەدا هاتووە، کە هاوكات هێزێكی دیكەی سەر بە ئۆپەراسیۆنەكانی سەڵاحەدین هەڵمەتێكی سەربازییان لە ناوچەكانی دەوروبەری تەل ئەلبۆجەڕاد و شارۆچكەی بێجی ئەنجامداوەو لە ئاكامدا 3 چەكداری داعش كوژراون.








رووداو