بە ئامادەبوونی ھەر یەک لە لیوا عەبدولکەریم مستەفا فەرماندەی پاسەوانی سنووری عێراق و لیوا قاسم رەزایی فەرماندەی پاسەوانی سنووری ئێران لە شاری ھەولێر رێککەوتنەکەیان ئیمزا کرد، بەپێی ئەو رێکەوتنە عێراق و ئێران بە درێژایی زیاتر لە ھەزار و ٤٠٠کم سنوری نێوانیان توندوتۆڵ دەکەن.
لیوا شێرکۆ عەبدوڵا فەرماندەی ھێزەکانی پاسەوانی سنور/ناوچەی یەک لەعێراق رایگەیاند، ئەو جۆرە ھەماھەنگیە لەنێوان ھێزەکانی پاسەوانی سنوری عێراق و ئێران بوونی ھەیە، بەو رێکەوتنە ئەو ھەماھەنگیە درێژەی پێ دەدەین.
راشیگەیاند، بە درێژایی ھەزار و ٤٠٠کم سنورەکانی نێوانمان لە دزەکردنی جموجۆڵی تیرۆریستان، ھێنانی مادەی ھۆشبەر، پەرینەوەی ھاونیشتمانان بەشێوەی قاچاخ، ھاوردەکردنی نا یاسایی توندوتۆڵ دەکەین.