وه‌قفا سوننه‌ ل بارێزگه‌ها سه‌لاحه‌دین ئاشكه‌ره‌ دكه‌ ، كو ل بێتر ژ 50 مزگه‌فتان د ئه‌نجاما پروسێن سه‌ربازی و شه‌رێن ناڤبه‌را هێزێن عێراق و چه‌كدارێن داعش ل وێ پارێزگه‌هێ وێران و كاڤل بوونه‌.

خالید دووری برێڤه‌به‌رێ وه‌قفا سوننه‌ ل سلاحه‌دینێ د لێدوانه‌كێده‌ راگه‌هاند ، كو بێتر ژ پینجی مزگه‌فتێن سه‌ر ب وه‌قفا سونه‌ ڤه‌ د ئه‌نجاما پروسێن سه‌ربازی و شه‌رێن ناڤبه‌را هێزێن عێراق و چه‌كدارێن داعش و ئێریشێن فرۆكێن هه‌ڤپه‌یمانان وێران بوونه‌ هاتنه‌ سۆتاندن.

دوری گۆت ژی: ته‌نیا ل قه‌زا دووز خورماتوو بێتر ژ 25 مزگه‌فت بده‌ستێ چه‌كدارێن حه‌شدا شه‌عبی هاتنه‌ تقاندن و سۆتاندن و قه‌زا دۆره‌ و باژارێ ته‌كریت ژی بێتر ژ 12 مزگه‌فتێن بژووك هاتن ته‌قاندن ، برێڤه‌بری وه‌قفا سوننه‌ داخواز ژ ئالیێن ئه‌منی كر كو هه‌ولێن خوه‌ ژ بۆ پاراستنا مزگه‌فتان بكاربینن ژ بۆ وه‌قفا سوننه‌ هه‌ول بده‌ دووباره‌ مزگه‌فتان ئاڤا بكه‌.