په‌رله‌مانتارێن فراكسیۆنێن شیعه‌ د جڤاتا نۆنه‌رێن ئێراقێ ده‌ ره‌خنه‌ ل سه‌ره‌دانا سه‌رۆكێ جڤاتا نۆنه‌ران ژیۆ ئۆردن گرت و راگهاند" بێ ئاگاداریا وان ئه‌ف سه‌ره‌دانه‌ پێكئانیه‌ و ئاماژه‌ ب وێ ئێكێ كرن كو ده‌مێ ڤه‌گه‌ریانا جبورى دێ داخازێ لێ بكن راپۆرته‌كێ لسه‌ر ناڤه‌رۆكا سه‌ره‌دانا خۆه‌ پێشكێش بكه‌ت. دڤێ ده‌ربارێ ده‌ عه‌باس به‌یاتى راگهاند" سه‌ره‌دانا سه‌رۆكێ جڤاتا نۆنه‌ران ژبۆ ئۆردن سیاسیه‌ و لایه‌نێن ناڤا جڤاتا نۆنه‌ران نه‌هاتنه‌ ئاڤاداركرن و د ده‌مێ ڤه‌گه‌ریانا وى ده‌ دێ داخازێ لێ بكه‌ین راپۆرته‌كێ لسه‌ر ناڤه‌رۆكا سه‌ره‌دانا خۆه‌ پێشكێش بكه‌.

هه‌ د ڤى وارى ده‌ محه‌مه‌د سه‌هیود راگهاند" سه‌ره‌دانا جبورى ژب ئۆردن پێشێلكاریه‌ و جهێ گومانێ یه‌، ژبه‌ر كو تو لایه‌ن ئاگادارى ڤێ سه‌ره‌دانێ نیه‌ و دازانین شاندا هان به‌رى به‌ر ب عه‌ممان برێبكه‌ڤه‌ راگهاند" ل وێ ده‌رێ دێ پرسا ئه‌نبار گفتوگوبكن د ده‌مه‌كێ ده‌ كو بارودۆخێ ئه‌نبار پرسه‌ك ناڤخویی یه‌ نه‌ك ده‌ره‌كى.

ئێڤاریا رۆژا ئێك شه‌مبی ئوسامه‌ نوجێفى جێگرێ سه‌رۆك كۆمار و سه‌لیم جبورى سه‌رۆكێ جڤاتا نونه‌ران و سالح موتله‌گ جێگرێ سه‌رۆك وه‌زیران كو سێ سه‌ركردێن ئێكه‌تیا هێزێن سوننه‌ یێن ئێراقێ نه‌ سه‌ره‌دانا ئۆردن كرن.