هێزه‌ ئه‌منییه‌كانی‌ عیراق، توانییان 58 چه‌كداری‌ داعش له‌ ئۆپه‌راسیۆنێكدا بكوژن و 6 مۆڵگه‌ی‌ ئه‌و رێكخراوه‌ش تێكبده‌ن، هاوكان چه‌ندین بۆمبی‌ چێنراو و خانووی‌ بۆمبڕێژكراو پووچه‌ڵكرانه‌وه‌.

وه‌زاره‌تی‌ به‌رگری‌ عیراق، له‌ به‌یاننامه‌یه‌كدا، رایگه‌یاند: "له‌ ئۆپه‌راسیۆنه‌كانی‌ "فجر الكرامه‌" توانیویانه‌ 58 تیرۆریستی‌ داعش بكوژن و ژماره‌یه‌كی تریان لێ بریندار بكه‌ن".


له‌ به‌یاننامه‌كه‌دا هاتووه‌: "هه‌ر له‌و ئۆپه‌راسیۆنه‌، توانراوه‌ 6 مۆڵگه‌ی‌ داعش تێكبدرێت و 4 ئۆتۆمبیلی بۆمبڕێژكراویش بته‌قێنرێنه‌وه‌، له‌گه‌ڵ تێكشكاندنی‌ 4 ئۆتۆمبیلی تر كه‌ چه‌كی‌ دۆشكه‌یان به‌سه‌ره‌وه‌ بووه‌".

ئاماژه‌ به‌وه‌شدراوه‌، كه‌ 64 بۆمبی‌ چێنراو له‌گه‌ڵ 22 خانووی‌ بۆمبڕێژكراو، پووچه‌ڵكراونه‌ته‌وه‌و ده‌ستیش به‌سه‌ر كارگه‌یه‌كی دروستكردنی‌ بۆمبدا گیراوه‌كه‌ 20 بۆمب و 20 لیتر موادی‌ ته‌قینه‌وه‌ی‌ تێدابووه‌.
























خه‌ندان