خالد عوبه‌یدی وه‌زیری به‌رگری عێراق رایگه‌یاند كه‌ زۆربه‌ی ئه‌و ناوچانه‌ی كه‌ له‌لایه‌ن چه‌كدارانی تیرۆریستی داعشه‌وه‌ كۆنترۆل كرابوون له‌ناو پالاوتگه‌ی نه‌وتی بێجی له‌ باكووری شاری تكریت ، له‌لایه‌ن سوپاوه‌ ئازادكرانه‌وه‌ ، روونیشیكرده‌وه‌ كه‌ ئه‌وه‌ی له‌ بێجی روویدا چاوه‌ڕوانكراو بوو و ئه‌و شوێنانه‌ی كه‌ تیرۆریستانی داعش تیایدا كۆنترۆڵیان كردبوو ، هه‌موو ناوچه‌كان ئازادكرانه‌وه‌ .

هه‌روه‌ها وه‌زاره‌تی به‌رگری عێراق رایگه‌یاند كه‌ هێزه‌ ئاسمانییه‌كانی عێراق دوێنێ گه‌یشتنه‌ ناوچه‌كه‌ بۆ پشتگیری كردنی هێزه‌ ووشكانییه‌كان و برێكی زۆری چه‌ك و ته‌مه‌نی گه‌یانده‌ یه‌كه‌ سه‌ربازییه‌كان.

پاڵاوگه‌ی بێجی به‌ گه‌وره‌ترین دامه‌زراوه‌ی نه‌وتی داده‌نرێت له‌ عێراق له‌ رۆژانی یه‌كه‌مه‌وه‌ ئه‌و ناوچه‌یه‌ كه‌وتۆته‌ به‌ر شاڵاوێكی گه‌وره‌ی تیرۆریستان .