نووسینگەی حەیدەر عەبادی، سەرۆکوەزیرانی عێراق رایگەیاند، هیچ رێگرێکی سیاسی لە پێش پێدانی فڕۆکەکانی F16 لەلایەن ئەمریکاوە بە عێراق نەماوە.

سەعد حەدیسی، گوتەبێژی نووسینگەی سەرۆکوەزیرانی عێراق رایگەیاند: "هیچ رێگرێکی سیاسی لەپێش پێدانی فڕۆکەکانی F16 لەلایەن ئەمریکاوە بە عێراق نەماوە و لەگەڵ ئامادەکردنی سەربازگەی پێویست ئەو فڕۆکانە بە قۆناغ و بە چەند کاروانێک رەوانەی عێراق دەکرێن".

زیاتر لە سێ ساڵە عێراق گرێبەستی کڕینی ٣٦ فڕۆکەی F16ی لەگەڵ ئەمریکا واژۆکردووە، و پسپۆڕان دەڵێن بەهای ئەو فڕۆکانە دەگاتە نزیکەی ٦ ملیار دۆلار. بەڵام تا ئێستا ئەمریکا هیچ فڕۆکەیەکی F16ی رادەستی عێراق نەکردووە.









رووداو