به‌رپرسێكی پایه‌به‌رزی عێراقی رایگه‌یاند كه‌ دوای چه‌ند جار له‌ دواخستن به‌هۆی جه‌نگی دژ به‌ چه‌كدارانی تیرۆریستی داعش عێراق بڕیاره‌ له‌ وه‌رزی هاوینی ئه‌مساڵ فرۆكه‌ی ئێف شازده‌ له‌ ئه‌مه‌ریكاوه‌ وه‌ربگرێت . ئه‌م به‌رپرسه‌ عێراقییه‌ روونیكرده‌وه‌ كه‌ بڕیاره‌ ئه‌مڕۆ حه‌یده‌ر عه‌بادی سه‌رۆك وه‌زیرانی عێراق له‌ ئه‌مه‌ریكا له‌ گه‌ڵ باراك ئۆباما سه‌رۆكی ئه‌مه‌ریكا كۆببێته‌وه‌.

روونیشیكرده‌وه‌ وه‌رگرتنی فرۆكه‌ی جه‌نگی ئێف شازده‌ له‌ ئه‌مه‌ریكا له‌ مانگی حوزه‌یران و ته‌مووزی ئه‌مساڵ هه‌نگاوێكی گرنگه‌ بۆ هێزه‌ ئه‌منییه‌كانی عێراق ، به‌ڵام ئه‌م به‌رپرسه‌ ئاماژه‌ی به‌ ژماره‌ی ئه‌م فرۆكانه‌ نه‌دا . پێشتر عێراق داوای كردینی سی و شه‌ش فرۆكه‌ی جه‌نگی جۆری ئێف شازده‌ی له‌ كۆمپانیای لۆكهید مارتنی ئه‌مه‌ریكی كردبوو كه‌ هه‌ر فرۆكه‌یه‌ك به‌بری شه‌ست و پێنج ملیۆن دۆلاره‌ .