نووسینگەی راگەیاندنی سەرۆكوەزیرانی عێراق رایگەیاند، فەرماندەی گشتی هێزە چەكدارەكان فەرمانی خانەنشینكردنی زیاتر لە 300 ئەفسەری سەربازی سەر بە وەزارەتی بەرگریی دەركرد.

نووسینگەی راگەیاندنی حەیدەر عەبادی سەرۆكوەزیرانی عێراق لە بەیاننامەیەكدا ئاماژەی بەوەکردووە، کە ئەو هەنگاوەی حەیدەر عەبادی، سەرۆكوەزیرانی عێراق لە چوارچێوەی پلانی دووبارە داڕشتنەوە، كاراكردنەوە و بەهێزكردنی پەیكەری سوپای عێراقە، لە پێناو پاراستنی ئاسایشی نیشتمانی و بەرەنگاربوونەوەی هەموو ئەو مەترسیانەی رووبەڕووی عێراق دەبنەوە.

ئەم بڕیارەی سەرۆکوەزیرانی عێراق یەکەم بڕیاری هاوشێوە نییە، لە ماوەی ٧ مانگی بوونی بە سەرۆکوەزیرانی عێراق حەیدەر عەبادی بڕیاری جێگۆڕکێکردن و خانەنشینکردنی دەیان ئەفسەر و فەرماندەی سەربازیی باڵای سوپای وەزارەتی ناوخۆی عێراقی دەکردووە.









رووداو