رۆژنامەیەكی ئوردنی ئاشكرای دەكات، چاوەڕێدەكرێت لەچەند رۆژی داهاتوودا موقتەدا سەدری سەرۆكی رەوتی سەدر سەردانی ئوردن بكات و لەگەڵ شا عەبدوڵای دووەم-ی شای ئوردن كۆببێتەوە.

ئەو سەردانە لەكاتێكدایە كە عەممار حەكیم سەرۆكی ئەنجومەنی باڵای ئیسلامی، چەند رۆژێك پێش ئێستا سەردانی ئوردنی كردبوو. رۆژنامەی ئەلغەد ئاماژە بەوەشدەكات كە، موقتەدا سەدر لە داهاتوویەكی نزیكدا کاتێک سەردانی ئوردن دەکات لەگەڵ شای ئەو وڵاتە كۆمەڵێك پرسی تایبەت بەناوچەكە تاوتوێ دەكەن.

ئەوەش لەكاتێكدایە، رۆژی یەكشەممەی رابردوو، شاعەبدوڵا پاشای ئوردن لەكاتی پێشوازیكردنی لەعەممار حەكیمی سەرۆكی ئەنجومەنی باڵای ئیسلامی ،پشتگیری وڵاتەكەی بۆ عێراق لەروبەروبوونەوەی تیرۆر و پتەوكردنی یەكریزی نیشتمانی دووپاتكردەوە.