هۆزەكانی شەممەر و عوبێد و ئەلبو ساڵح و تەی و ئەلبو حەمدان سەحوەی نەینەوایان كە 300 چەكداری لە خۆ گرتووە؛ بۆ شەڕكردن دژ بە چەكدارانی داعش و رزگاركردنی شارەكە پێكهێنا .

شێخ عەبدولڵا مەحمود تائی، ئەندامی لێژنەی پێكهێنانی ئەم سەحوەیە، ڕای گەیاند سه‌حوه‌كه‌یان بە بەشداری زۆربەی هۆزەكان پێكهات كە دژایەتی داعش دەكەن ، تەئكیدیشی كردەوە كە تا ئێستا زیاتر لە 300 كەس خۆیان لەو هێزە تۆمار كردووە .

شێخ عەبدوڵڵا تائی ڕوونیشیكردەوە كە سەحوەی نەینەوا بەشداری پرۆسەی ئازادكردنی موسڵ دەكات و چەكدارانی داعش راو دەنێت و ئاسایش و ئارامی بۆ خەڵكی شارەكە دەگێرێنێتەوە.

لە 10 حوزەیرانی ساڵی رابڕدوو شاری موسڵ كەوتە دەستی چەكدارانی داعش و سوپای عێراقیش بە بێ بەرگریكردن سەرجەم بنكە و بارەگاكانیان چۆڵكرد و بەو هۆیەشەوە سەدان هەزار كەس ئاوارە و كوژران.