ۆ ڕۆژى سێیه‌م له‌ سه‌ر یه‌ك ئۆپه‌ڕاسیۆنى هێزه‌ عێراقیه‌كان له‌ سوپا و پۆلیسى ئیتیحادى و هێزه‌كانى حه‌شدى شه‌عبى و چه‌كداره‌كانى هۆزه‌ سووننه‌كان بۆ ئازادكردنى ته‌واوى ناوچه‌كانى پارێزگاى سه‌لاحه‌ددین به‌رده‌وامى هه‌یه‌ و له‌م ڕووه‌شه‌وه‌ هێزه‌كان پێشڕه‌وى نوێیان تۆماركردووه‌ و هه‌روه‌ها وه‌زاره‌تى به‌رگرى عێراقیش دووپاتیى ده‌كاته‌وه‌ كه‌ چه‌كدارانى تیرۆریستى داعش وره‌یان ڕووخاوه‌ به‌ كۆمه‌ڵ ڕاده‌كه‌ن به‌ره‌و ناوچه‌كانى دیكه‌.

وه‌زاره‌تى به‌رگرى عێراق له‌ باره‌ى شه‌ڕى كۆنتڕۆڵكردنه‌وه‌ى ته‌واوى ناوچه‌كانى پارێزگاكانى سه‌لاحه‌ددین به‌یاننامه‌یه‌كى بڵاوكردۆته‌وه‌ و ئاشكراى كردووه‌ كه‌ له‌ شارى تكریت 140 چه‌كدارى داعش ڕایانكردووه‌.

هه‌روه‌ها له‌ به‌یاننامه‌كه‌دا هاتووه‌ كه‌ چه‌كدارانى ڕێكخراوى داعش وره‌یان زۆر ڕووخاوه‌ و به‌و هۆیه‌شه‌وه‌ به‌ سه‌دان چه‌كدارى ئه‌و ڕێكخراوه‌ تیرۆریستیه‌ به‌ره‌و شارى مووسڵ ڕایانكردووه‌.