پۆلیسی پارێزگای سه‌لاحه‌دین رایگه‌یاند كه‌ شه‌وی رابردوو له‌ ئاكامی ته‌قینه‌وه‌ی دوو ئۆتۆمبێلی بۆمبریژكراو له‌ باشووری تكریت 35 كارمه‌ندی هێزه‌ ئه‌منییه‌كان كوژران و بریندار بوون .

سه‌رچاوه‌كه‌ روونیكرده‌وه‌ كه‌ دوو ئۆتۆمبێلی بۆمبرێژكراو له‌لایه‌ن دوو كه‌سی خۆكوژه‌وه‌ خۆیان خزانده‌ نێو باره‌گایه‌كی ئه‌منی له‌ سه‌ر رێگای نێوان قه‌زای سامه‌راو سه‌رسار باشووری رۆژئاوای سامه‌را ، له‌ ئاكامدا شه‌ش كارمه‌ندی هێزه‌ ئه‌منییه‌كان كوژران و 29ـی دیكه‌ بریندار بوون .

دواتر هێزه‌ ئه‌منییه‌كان ناوچه‌كه‌یان گه‌مارۆداو ئۆتۆمبێله‌كانی فریاكه‌وتنیش بریندارانیان بۆ نه‌خۆشخانه‌و كوژراوانیش بۆ فه‌رمانگه‌ی دادی پزیشكی گواسته‌وه‌ .