سه‌رۆكی‌ لیژنه‌ی‌ ئه‌منیی پارێزگای‌ سه‌ڵاحه‌دین رایده‌گه‌یه‌نێت: چه‌كدارانی‌ داعش وره‌یان روخاوه‌ و له‌ چه‌ند هه‌فته‌ی‌ داهاتودا ئۆپه‌راسیۆنێك بۆ ئازادكردنی‌ پارێزگاكه‌ ئه‌نجامده‌درێت.

جاسم جه‌باره‌ سه‌رۆكی‌ لیژنه‌ی‌ ئه‌منیی پارێزگای‌ سه‌ڵاحه‌دین له‌ لێدوانێكیدا رایگه‌یاند: چه‌كدارانی‌ داعش له‌ سنوری‌ پارێزگاكه‌ به‌ ته‌واوی‌ وره‌یان روخاوه‌ و له‌ پاشه‌كشه‌ی‌ به‌رده‌وامدان.

جاسم جه‌باره‌ ئاماژه‌ی‌ به‌وه‌شكردوه‌: له‌چه‌ند هه‌فته‌ی‌ داهاتودا ئۆپه‌راسیۆنێك به‌ مه‌به‌ستی‌ ئازادكردنی‌ ته‌واوی‌ ناوچه‌كانی‌ پارێزگای‌ سه‌ڵاحه‌دین ده‌ستپێده‌كات.

ماوه‌ی‌ زیاتر له‌ 5 مانگه‌ چه‌كدارانی‌ رێكخراوی‌ داعش به‌شی‌ زۆری‌ ناوچه‌كانی‌ پارێزگای‌ سه‌ڵاحه‌دینیان كۆنتڕۆڵكردوه‌ و تاكو ئێستاش هێزه‌كانی‌ سوپای‌ عێراق نه‌یانتوانیوه‌ ئه‌و ناوچانه‌ ئازاد بكه‌نه‌وه‌.







nana