وه‌زیری‌ ده‌ره‌وه‌ی‌ كوه‌یت به‌ سه‌ردانێكی‌ فه‌رمی گه‌یشته‌ به‌غدا و له‌لایه‌ن ئیبراهیم جه‌عفه‌رییه‌وه‌ پێشوازیی لێكرا.

نیوه‌ڕۆی‌ ئه‌مڕۆ خالید حه‌مه‌د سه‌باح وه‌زیری‌ ده‌ره‌وه‌ی‌ كوه‌یت گه‌یشته‌ فڕۆكه‌خانه‌ی‌ به‌غدا و بڕیاره‌ له‌گه‌ڵ ژماره‌یه‌ك به‌رپرسی‌ باڵای‌ عێراقدا كۆببێته‌وه‌.

به‌پێی‌ زانیارییه‌كان ئامانجی‌ سه‌ردانه‌كه‌ی‌ وه‌زیری‌ ده‌ره‌وه‌ی‌ كوه‌یت باسكردنی‌ بارودۆخی‌ ئه‌منی‌ و ئابوری‌ ئێستای‌ عێراق وپه‌ره‌پێدانی‌ په‌یوه‌ندیه‌كانی‌ نێوان هه‌ردوو وڵات ده‌بێت.

جێی‌ ئاماژه‌یه‌ هه‌فته‌ی‌ رابردوش حه‌یده‌ر عه‌بادی‌ سه‌رۆك وه‌زیرانی‌ عێراق سه‌ردانی‌ وڵاتی‌ كوه‌یتی‌ كردو له‌گه‌ڵ به‌رپرسانی‌ ئه‌و وڵاته‌دا كۆبویه‌وه‌.