بەرپرسی لقی 14ی پارتی لە موسڵ رایدەگەیێنێت، بەهۆی پێشڕەویی هێزەکانی پێشمەرگە بەرەو ناوچەی کەسک، ئەندامانی رێکخراوی داعش چەند ناوچەیەکی شاری موسڵ چۆڵ دەکەن و خانەوادەکانیان بۆ دەرەوەی ناوچەکان دەگوازنەوە.

عسمەت رەجەب، بەرپرسی لقی 14ی پارتی دیموکراتی کوردستان لە موسڵ، رۆژی پێنجشەممە 25ی کانوونی یەکەمی 2014 رایگەیاند:" ئەندامانی رێکخراوی داعش لە شاری موسڵ خانەوادەکانیان لە ناوچەکانی 17ی تەمموز و دەوروبەری لەلای راستی شاری موسڵ بۆ دەرەوەی ناوچەکە دەگوازنەوە و ناوچەکە چۆڵدەکەن".

رەجەب ئاماژە بەوە دەكات كە بەهۆی پێشڕەوییەکانی هێزەکانی پێشمەرگەی کوردستان بەرەو ناوچەی کەسک، ترس و دڵەڕاوکێ لەلای ئەندامانی رێکخراوی داعش دروستبووە لە ئەگەری پێشڕەوی زیاتری هێزەکانی پێشمەرگە بەرەو شاری موسڵ، بەو هۆیەشەوە خانەوادەکانیان بۆ دەرەوەی ناوچەکان دەگوازنەوە.








رووداو