سه‌رچاوه‌یه‌ك له‌ پۆلیسی عێراقی رایگه‌یاند كه‌ له‌ ئاكامی ته‌قینه‌وه‌ی ئۆتۆمبێلێكی بۆمبرێژكراو و دواتر كه‌وتنه‌ خواره‌وه‌ی ژماره‌یه‌ك گولله‌ هاوه‌ن بۆ سه‌ر خاڵێكی پشكنیینی سه‌ربازی له‌ باكووری به‌غدا ژماره‌یه‌ك كوژراوو برینداری لێكه‌وته‌وه‌ .

به‌پێیی سه‌رچاوه‌كه‌ كه‌سێكی خۆكوژ به‌ ئۆتۆمبێلێكی بۆمبرێژكراوه‌وه‌ سه‌ر له‌ به‌یانی ئه‌مڕۆ خۆی خزانده‌ ناو خاڵێكی پششكنینی سوپای عێراق له‌ گوندی سه‌لمان له‌ ناوچه‌ی تارمییه‌ی باكووری به‌غدا و خۆی ته‌قانده‌وه‌ دواتر به‌ گولله‌ هاوه‌ن خاڵی پشكنینه‌كه‌ بۆردومان كرا له‌ ئاكامدا چوار كه‌س كوژران و هه‌ژده‌ی دیكه‌ بریندار بوون .