وەزارەتی بەرگری عێراق رایگەیاند فڕۆكەكانی سوپای عێراق، پێگەیەكی داعشیان لە رۆژئاوای موسڵ بۆردومانكردووە و لە بۆردوومانەكەدا، بەرپرسی ئەمنی داعش لە تەلەعفەر و 20 چەكداری ئەو رێكخراوە لە رۆژئاوای شارەكە كوژراون.

وەزارەتی بەرگری عێراق ئاشكرایكردووە، فڕۆكەكانی سوپا سەربازگەیەكی چەكدارانی داعشیان لە قەزای بەعاج، (110 كیلۆمەتر لە رۆژئاوای موسڵ) بۆردوومانكردووە و لە ئەنجامی بۆردوومانەكەش ئەبو عەبدولرەحمان قەدۆ، بەرپرسی ئەمنی داعش لە تەلەعفەر و 20 چەكداری ئەو رێكخراوە لە رۆژئاوای شارەكە كوژراون.

هەر بەگوێرەی راگەیێندراوەكەی وەزارەتی بەرگری عێراق، 14 ئۆتۆمبێلی داعش، كە دۆشكایان لەسەربووە، بەهۆی بۆردوومانەكەوە تێكشكێندراون.










رووداو