قاسم عەتا: رەوشی پارێزگاكانی باشوور سەقامگیرە
فەریق قاسم عەتا، گوتەبێژی نووسینگەی فەرماندەی هێزە چەكدارەكانی عێراق لە كۆنگرەیەكی رۆژنامەوانیدا لە شاری بەغدا رایگەیاند رەوشی ئەمنی پارێزگاكانی باشووری عێراق "بەتەواوی سەقامگیرە و ژیان ئاساییە".
ناوبراو ئاماژەی بەوەشكرد "رەوشەكە لەو پارێزگایانە ئاساییە".
لە شەوی رابردووەوە شەڕ و پێكدادان لە نێوان لایەنگرانی مەرجەعی شیعە مەحموود سەرخی و هێزە ئەمنییەكان لە پارێزگاكانی كەربەلا و دیوانییە روویانداوە، كە چەندین كوژرا و برینداری لێكەوتەوە.
هەندێك لە سەرچاوەكان هۆكاری پێكدادانەكان بۆ ئەوە دەگەڕێننەوە كە سەرخی ناڕازی بووە لە فتواكەی عەلی سیستانی گەورە مەرجەعی شیعەكان لەبارەی چەك هەڵگرتن و بەرەنگاربوونەوەی چەكدارانی سوننە.
هێزێكی ئەمنی گەمارۆی ماڵی مەحموود سەرخی داوە، كە بە نیازبوون دەستگیری بكەن، لایەنگرانی ئەو مەرجەعەش روو بە رووی هێزە ئەمنییەكان و لایەنگرانی سیستانی بوونەتەوە.
رووداو
