وه‌زیرانی ده‌ره‌وه‌ی یه‌كێتی ئه‌وروپا له‌ كۆبوونه‌وه‌ی لۆكسمبۆرگ داوایان له‌ سه‌ركرده‌كانی عێراق كرد كه‌ به‌ په‌له‌ حكومه‌تێكی یه‌كێتی نیشتیمانی پێكبهێنن بۆ ئه‌وه‌ی وڵات له‌و بارودۆخى ناهه‌مواره‌ رزگار بكه‌ن . ته‌ئكیدیشیان كرده‌وه‌ كه‌ پشتگیری ته‌واوی عێراق ده‌كه‌ن له‌ رووبه‌رووبوونه‌وه‌ی تیرۆر . هه‌ره‌وه‌ها ته‌ئكیدیان له‌ سه‌روه‌ری و یه‌كێًَتی خاكی عێراق كرده‌وه‌ و رایانگه‌یاند كه‌ پێویسته‌ هێزه‌ ئه‌منییه‌كانی عێراق شان به‌شانی چاره‌سه‌ركردنی سیاسی بارودۆخه‌كه‌ هێور بكه‌نه‌وه‌ .

شایانی باسه‌ ماوه‌ی زیاتر له‌ دووهه‌فته‌یه‌ بارودۆخی ئه‌منی و سیاسی عێراق ئالۆزیی تێكه‌وتووه‌ دوای ئه‌وه‌ی چه‌كدارانی داعش ته‌واوی شاری موسڵیان كۆنترۆڵ كردو به‌شێكی زۆری پارێزگای سه‌لاحه‌دینیشیان كه‌وته‌ ژێر ده‌ست و به‌شێكی قه‌زاو ناحیه‌كانی پارێزگای ئه‌نباریش كه‌وته‌ ژێر كۆنترۆڵی ئه‌م چه‌كدارانه‌ .